Օգտագործման համաձայնագիր
Դառնալով List.am-ի օգտատեր` Դուք ընդունում եք սույն օգտագործման համաձայնագրի պայմանները:
Ձեր հայտարարությունը տեղադրելիս` Դուք կրում եք պարունակության ամբողջ պատասխանատվությունը: Կայքն իրավունք է վերապահում չհրապարակել կամ իր կողմից հեռացնել անպատշաճ բովանդակության հայտարարությունը:
Կողմերի իրավունքներն ու պարտականությունները
List.am-ում հայտնված բոլոր տեղեկությունները և նյութերը պաշտպանված են հեղինակային իրավունքով և պատկանում են List.am-ին կամ որպես տեղեկատվության տեղադրող նշված կողմին:
Դուք չեք կարող պատճենել, վերարտադրել, տարածել, հրապարակել, ածանցյալ ստեղծագործություններ ստեղծել, պահել էլեկտրոնային եղանակով, փոխանցել կամ որևէ կերպ առևտրային կամ այլ նպատակներով օգուտ քաղել List.am-ում տեղադրված ցանկացած բովանդակությունից կամ տեղեկատվությունից:
Օգտվելով List.am-ի ծառայություններից, Դուք ընդունում եք, որ բացառապես Դուք եք պատասխանատու Ձեր գովազդի բովանդակության համար և ունեք բոլոր անհրաժեշտ իրավունքները, լիցենզիաները, թույլտվությունները գովազդում պարունակվող ամբողջ տեղեկատվության նկատմամբ, ներառյալ՝ առանց սահմանափակման, բոլոր արտոնագրերը, ապրանքանիշերը, առևտրային գաղտնիքները, հեղինակային իրավունքները, կամ այդ տեղեկատվությունը օգտագործելու համար ունեք գովազդում նշված բոլոր անհատների և ընկերությունների համապատասխան գրավոր համաձայնությունը, լիցենզիան կամ թույլտվությունը:
Եթե դուք List.am-ում գովազդներ եք տեղադրում՝ տրամադրելով կեղծ կոնտակտային տվյալներ կամ որպես մեկ այլ անձ եք ներկայանում, ապա մենք մեզ իրավունք ենք վերապահում փոխանցել Ձեր տվյալները տուժող երրորդ կողմին, նրանց գործակալներին կամ իրավապահ մարմիններին:
Դուք համաձայն եք.
- Չձեռնարկել որևէ գործողություն, որը կարող է հանգեցնել կայքի ենթակառուցվածքի գերբեռնավորման:
- Չօգտագործել ավտոմատացված ծրագրեր մուտք ստանալու համար:
- Չմիջամտել կամ չփորձել միջամտել կայքի բնականոն գործունեությանը և այլ գործողություններին, ինչպես նաև չմիջամտել ավտոմատ համակարգերի կամ գործընթացների գործողություններին:
- Չօգտագործել այլ օգտատերերի կողմից տրամադրած տեղեկատվությունը օգտատիրոջ հետ գործարք կնքելուց բացի որևէ այլ նպատակով:
- Չքննարկել մոդերատորների և կայքի ադմինիստրացիայի գործողությունները որևէ տեղ և որևէ մեկի հետ, բացառությամբ մոդերատորների հետ էլեկտրոնային նամակագրության միջոցով:
- Չօգտագործել այլ օգտատերերի անուններին նման անուններ այլ օգտատերերի նմանակման կամ նրանց անունից հաղորդագրություններ գրելու համար:
List.am-ը գործադրում է բոլոր ողջամիտ ջանքերը սույն Համաձայնագրով նախատեսված իր պարտավորությունները կատարելու, այդ թվում ծառայությունների բնականոն աշխատանքը և երրորդ կողմ հանդիսացող օգտվողների անձնական տվյալները պաշտպանելու համար, եթե միայն հակառակը չի պահանջվում օրենքով:
List.am-ը կարող է պարբերաբար իր ծառայություններից օգտվելու սահմանափակումներ մտցնել, մասնավորապես՝ տեղեկատվության վավերականության առավելագույն տևողության և չափերի սահմանափակումների առնչությամբ:
List.am-ը ցանկացած պահի կարող է առանց նախնական ծանուցման փոխել կայքի ցանկացած գործառույթ կամ հնարավորություն ու բովանդակություն՝ առանց որևէ պատասխանատվություն կրելու նման փոփոխությունների համար:
Իր բովանդակության և ծառայությունների բարձր որակը պահպանելու համար List.am-ը իրեն իրավունք է վերապահում սահմանափակել յուրաքանչյուր օգտատիրոջ ակտիվ գովազդների քանակը և սահմանափակել կամ արգելափակել List.am-ի ցանկացած օգտատերերի ցանկացած գործողություն:
List.am-ը իրավունք ունի մերժել օգտատիրոջ մուտքը կայք, եթե օգտատերը խախտում է սույն պայմանագրի պայմանները: List.am-ն իրեն իրավունք է վերապահում առանց որևէ նախնական ծանուցման և իր հայեցողությամբ ցանկացած պահի ջնջել կամ անջատել օգտատիրոջ հաշիվը և հեռացնել օգտատիրոջ կողմից տեղադրված բոլոր գովազդները՝ առանց պատասխանատվություն կրելու իր գործողությունների համար օգտատիրոջ և երրորդ անձանց նկատմամբ:
List.am-ն իրեն իրավունք է վերապահում ցանկացած պահի պահանջել օգտատիրոջից հաստատել գրանցման ընթացքում կամ գովազդում նշված տեղեկատվությունը և պահանջել օժանդակ փաստաթղթեր (մասնավորապես՝ անձը հաստատող փաստաթղթերի պատճեններ), որոնց չտրամադրումը օգտատիրոջ կողմից կգնահատվի որպես կեղծ տեղեկատվություն տրամադրում։ Եթե List.am-ին տրամադրված փաստաթղթերում նշված օգտատիրոջ տվյալները չեն համընկնում գրանցման կամ գովազդի մեջ նշված տվյալներին, ինչպես նաև այն դեպքում, երբ գրանցման կամ գովազդի մեջ նշված տվյալները պատշաճ կերպով չեն նույնականացնում օգտատիրոջը, ապա List.am-ը կարող է մերժել օգտատիրոջ մուտքը կայք՝ նախնական ծանուցմամբ կամ առանց դրա:
Օգտագործելով մեր հետադարձ կապի ձևը օգտագործողը իրավունք ունի կայքի ֆունկցիոնալության վերաբերյալ բողոք ներկայացնել, որը կուսումնասիրվի բողոքի ստացման կամ դրա բնույթի վերաբերյալ ամբողջական տեղեկատվության ստացման օրվանից հաշված երեք աշխատանքային օրվա ընթացքում:
Որպես այս կայքի Ձեր օգտագործման պայման՝ Դուք համաձայն եք.
- Չխախտել կայքում տեղադրելու մեր կանոնները.
- Չտեղադրել կամ չփոխանցել ցանկացած ապօրինի, սպառնալից, վիրավորական, զրպարտչական, անպարկեշտ կամ անվայել ցանկացած տեսակի տեղեկատվություն կամ նյութ, ներառյալ՝ առանց սահմանափակման, ցանկացած հաղորդում, որը կհանդիսանա կամ կխրախուսի քրեական հանցագործություն, կառաջացնի քաղաքացիական պատասխանատվություն կամ այլ կերպ կխախտի որևէ գործող օրենք.
- Առանց սեփականատիրոջ կամ համապատասխան իրավունքի իրավատիրոջ թույլտվության չտեղադրել կամ չփոխանցել ցանկացած բնույթի նյութ, որը խախտում կամ ոտնահարում է որևէ այլ անձի իրավունքները, ներառյալ նյութ, որը խախտում է գաղտնիության կամ հրապարակայնության որևէ իրավունք, կամ որը պաշտպանված է հեղինակային իրավունքով, ապրանքային նշանով կամ որևէ այլ սեփականության իրավունքով կամ դրա հետ կապված ածանցյալ իրավունքով.
- Չտեղադրել կամ չփոխանցել անօրինական գործունեության, ծառայությունների և ապրանքների, այդ թվում՝ բրգաձև կամ բազմամակարդակ շուկայավարման սխեմաների, գողացված կամ հեղինակային իրավունքներ խախտող նյութերի, թմրանյութերի, վտանգավոր քիմիական նյութերի, զենքերի, գողացված ապրանքների մասին տեղեկատվություն պարունակող ցանկացած նյութ.
- Չտեղադրել կամ չփոխանցել ցանկացած տեսակի նյութ, որը պարունակում է վիրուս կամ այլ վնասակար բաղադրիչ.
- Չներբեռնել ցանկացած այլ օգտվողի կողմից տեղադրված ցանկացած ֆայլ, եթե Դուք գիտեք կամ ողջամտորեն ենթադրվում է, որ պետք է իմանաք, որ ֆայլը օրինականորեն չի կարող նման ձևով տարածվել:
Պատասխանատվության սահմանափակում
Օգտվելով List.am-ից՝ օգտատերը ընդունում է այն փաստը, որ կայքը և նրա ծառայությունները պետք է օգտագործվեն Ձեր սեփական ռիսկով, գնահատում և կրում է կայքում տեղադրված գովազդի օգտագործման հետ կապված բոլոր ռիսկերը, մինչդեռ կայքը, ներառյալ դրա ղեկավարությունը, աշխատակիցները և ներկայացուցիչները պատասխանատվություն չեն կրում կայքում տեղադրված գովազդի բովանդակության կամ կայքում տեղադրված գովազդի օգտագործման հետևանքով առաջացած վնասների կամ կորստի համար:
List.am-ը օգտատերերի կամ այլ երրորդ անձանց միջև գործարքների կազմակերպիչ/ նախաձեռնող չէ: List.am-ը առևտրի և հաղորդակցման հարթակ է, որը օգտատերերին հնարավորություն է տալիս ցանկացած պահի, ցանկացած վայրից, ցանկացած գնով վաճառել և գնել օրենքով թույլատրված ապրանքներ և ծառայություններ:
List.am-ը չի կարող վերահսկել իր օգտատերերի կողմից տեղադրված գովազդներում առկա տեղեկատվության ճշգրտությունը և հետևաբար պատասխանատվություն չի կրում գործարքի կամ կողմերից որևէ մեկի ոչ պատշաճ վարքագծի հետևանքով պատճառված վնասների համար:
List.am-ը պատասխանատվություն չի կրում օգտատերերի վարքագծի կամ նրանց գովազդներում նշված առաջարկվող ապրանքների/ծառայությունների համար: Օգտատերերի միջև բոլոր վեճերն ու հակասությունները պետք է լուծվեն օգտատերերի կողմից առանց List.am-ի ներգրավման:
Ապրանքների կամ ծառայությունների որակը, անվտանգությունը, օրինականությունը և դրանց նկարագրությանը համապատասխանությունը, ինչպես նաև ապրանքը/ծառայությունը վաճառելու կամ գնելու օգտատիրոջ հնարավորությունը կայքի վերահսկողությունից դուրս են:
Միայն մեր կայքում տեղեկատվության տեղադրման փաստի հիման վրա օգտագործողը չպետք է ենթադրի, որ որևէ ապրանքի կամ ծառայությունների վաճառքն ու գնումը վավեր և օրինական են: List.am-ը պատասխանատվություն չի կրում գործարքի կնքման համար, իսկ օգտատերը լիովին պատասխանատու է իր գործողությունների համար:
Այս կայքում ներկայացված տեղեկատվությունը կարող է օգտագործվել միայն տեղեկատվական նպատակներով: List.am-ը պատասխանատվություն չի կրում տրամադրված տեղեկատվության ճշտության կամ հավաստիության համար: Մենք պատասխանատվություն չենք կրում նաև բովանդակության այն հատվածների համար, որոնց ճշգրտությունը չի հաստատվել։
Մենք ոչ մի դեպքում պատասխանատվություն չենք կրում օգտատերերի կողմից ապօրինի, սպառնալից, վիրավորական, զրպարտչական կամ անպարկեշտ տեղեկատվության կամ նյութերի տեղադրման համար, որոնք խախտում կամ ոտնահարում են որևէ անձի իրավունքները, ինչպես նաև հրահրում են հանցավոր վարքագիծ, հասարակական անկարգություններ կամ գործող օրենսդրության խախտումներ:
Մենք ոչ մի դեպքում պատասխանատվություն չենք կրում նյութական վնասի և տվյալների կամ կայքի օգտագործման իրավունքների կորստի համար, որոնք առաջացել են կայքի և դրա բովանդակությունը օգտագործելու կամ զննելու ընթացքում առաջացած խնդիրներից: Այս կայքի տեղեկատվությունը շարունակաբար թարմացվում է և ցանկացած պահի կարող է ոչ արդիական դառնալ: Կայքը կարող է պարունակել տեխնիկական անճշտություններ կամ տպագրական սխալներ: Մենք պատասխանատվություն չենք կրում կայքում առկա որևէ տեղեկությունը թարմացնելու, ինչպես նաև չթարմացնելու համար:
List.am-ը տրամադրում է հղումներ և ցուցանշաններ երրորդ անձանց կողմից պահպանվող ինտերնետային կայքերին: Նման կապակցված կայքերը մեր վերահսկողության տակ չեն, և մենք պատասխանատվություն չենք կրում որևէ կապակցված կայքի կամ կապակցված կայքում պարունակվող ցանկացած բովանդակության (ներառյալ ճշտության, օրինականության կամ պարկեշտության) համար: Մենք Ձեզ տրամադրում ենք այս հղումները միայն հարմարության համար և որևէ հղումի ներառումը չի ենթադրում, որ List.am-ը սատարում է հղված կայքը: Կապակցված կայքի կողմից հեղինակային իրավունքների պահպանումը մեր պատասխանատվությունից դուրս է:
List.am-ը չի երաշխավորում, որ ծառայությունը կլինի անխափան կամ անսխալ, կամ որ ծառայության թերությունները կշտկվեն: Դուք նաև հասկանում եք, որ մենք չենք կարող և չենք երաշխավորում կամ ապահովում, որ մեր կայքի միջոցով ներբեռնվող կամ մեր կայքի միջոցով էլեկտրոնային փոստով առաքվող ֆայլերը զերծ կլինեն վարակներից կամ վիրուսներից, որդ-վիրուսներերից, տրոյաններից կամ այլ վարակիչ կամ կործանարար հատկություններ ունեցող կոդից: Դուք եք պատասխանատու մուտքային և ելքային տվյալների ճշգրտության և կորցրած տվյալների վերականգնման արտակայքային միջոցների ապահովման Ձեր հատուկ պահանջները բավարարելու նպատակով բավարար ընթացակարգեր և հսկիչ կետերի կիրառման համար:
Պայմանագրի տևողությունը
Սույն պայմանագիրը ուժի մեջ է մտնում օգտատիրոջ՝ List.am-ից օգտվելու կամ գրանցված օգտատեր դառնալու պահից և ուժի մեջ է ժամկետի սահմանափակման:
Օգտատերը իրավունք ունի միակողմանիորեն դադարեցնել իր գրանցումը կայքում՝ առանց List.am-ին նախնական ծանուցման և առանց բացատրության:
Եթե օգտատերը համաձայն չէ սույն պայմանագրի պայմաններին, նա պետք է դադարեցնի կայքից և նրա ծառայություններից օգտվելը: Այս կայքի շարունակական օգտագործումը նշանակում է, որ օգտվողը համաձայն է սույն պայմանագրի պայմաններին: