List.am-ը խստորեն վերահսկում է օգտատերերի անվտանգությունը։ Մենք ձեռնարկում ենք զանազան ողջամիտ քայլեր՝ կանխելու կասկածելի գործողությունները մեր կայքում: Մենք շատ լուրջ ենք վերաբերվում խարդախության յուրաքանչյուր փորձին և աշխատում ենք հնարավորինս պաշտպանել Ձեզ և դարձնել Ձեր գործունեությունը List.am-ում անվտանգ և արդյունավետ:

Վերջերս լայն տարածում գտած սոցիալական խարդախությունը կանխարգելու և մեր օգտատերերի անվտանգությունն ապահովելու նպատակով, տեղեկացնում ենք, որ List.am-ի օգտատերերի հետ կապ են հաստատում զեղծարար գնորդներ Whatsapp-ի, Viber-ի և այլ թվային հաղորդակցության միջոցով և առաջարկում են ապրանքի/ծառայության համար առցանց վճարել` պահանջելով տրամադրել բանկային քարտի տվյալները:

Նամակը պարունակում է կեղծ հղում դեպի List.am, ՀայՓոստ, Globbing, Yandex կայքեր (օրինակ` list.ordert.online; https://globbing.resewi-l.cfd/; haypost.orderyc.online; yandex.info-trackings.com): Կեղծ էջը տրամադրելուց հետո, խաբեբաները դրդում են օգտատերերին (շատ անգամ հոգեբանական որոշակի ճնշում ցուցաբերելով) մուտքագրել իրենց անձնական և վճարային քարտի բոլոր տվյալները (քարտի համար, քարտապանի անուն, ժամկետ, գաղտնաբառ, բանկային մնացորդ), որից հետո գեներցավում է կեղծ SMS հաղորդագրություն և ուղարկվում քարտապանին վերջնական վավերացման համար:

Արդյունքում զեղծարարներն ունենում են բոլոր անհրաժեշտ տվյալները քարտապանի հաշվից ամբողջ գումարը կորզելու համար:

Եթե ​​Ձեզ հանդիպել է կասկածելի օգտատեր կամ հայտարարություն, կամ ստացել եք կասկածելի հաղորդագրություն, ապա մի հապաղեք դիմել մեր հաճախորդների սպասարկման թիմին: